Ipinapaisi po tabi sa gabos na mga consumidores na an Metropolitan Naga Water District (MNWD) maconducir nin “Emergency Repair” sa Magdalena Pumping Station, Ramaida Village, Concepcion Grande, Naga City. An patrabaho mapoon ngonian, ala-una nin pagka hapon(1:00pm) aldaw nin Martes, Petsa 10 kan Mayo 2016 sundong alas singko nin pagka aga(5:00am) aldaw nin Huwebes, Petsa 12 kan Mayo 2016.

Katacod kan actividad na nasambit, posibleng magluya o mawara an bolos nin tubig sa Ramaida Village, Concepcion Grande asin pagtaraid na lugar na harani sa nasambit na “pumping station”. Ipinapaabot po sa mga consumidores na magpasiguro nin tubig na kaipuhan sa aldaw na nasambit.

Giraray, nagpapasalamat po an Oficina kan saindong cooperacion mapadapit sa bagay na ini.

An nagpapaisi,

Manihamiento kan MNWD